هتقدر تستقبل مدفوعاتك من أي عميل في أي مكان في العالم عن طريق بطاقة فيزا أو ماستر كارد، كمان هتقدر تستقبل مدفوعاتك من كل طرق الدفع المتاحه في مصر زي بطاقة ميزة أو أي محفظة إلكترونية زي فودافون كاش وأورانج كاش وإتصالات كاش و وي باي وكمان أي محفظة بنك، كمان عملائك هيقدروا يحجزوا معاك كاش من أي مكان في مصر عن طريق مكنة فوري ومكنة أمان.

مش هتحتاج تستعمل تاني أي برامج أو تطبيقات لعمل الجلسات زي زووم وجوجل ميت، عشان دلوقتي هتقدر بسهوله تعمل كل جلساتك الأونلاين من أي لابتوب أو موبايل من خلال موقعك ونظام الإتصالات الداخلي الموجود فيه، واللي بيوفرلك مكالمات صوت وفيديو عالية الجودة وبأعلى وسائل الأمان وبدون أي حدود على مدة الجلسة،كمان هيبأه عندك كذا خاصيه تانيه زي خاصية تقليل معدل إستهلاك الإنترنت وخاصية حجب الخلفية اللي وراك بالإضافة لخاصية مشاركة الشاشة لو عاوز تعرض أي حاجه عليه خلال الجلسة.

هتقدر من خلال موقعك تعمل نظام كامل لتعديل الحجوزات، تقدر تحدد منه اخر موعد قبل الجلسة يقدر العميل فيه يغير موعدها مجانا، والموعد قبل الجلسة اللي يقدر يغير فيه حجزه بمقابل معين انت تحدده، وكمان الموعد قبل الجلسة اللي عنده ميقدرش خلاص يغير فيه موعد الجلسه تاني.

في حالة رغبتك في اي وقت انك تحدث أسعار جلساتك، لكن مش عاوز تزودها علي عملائك الحاليين هتقدر تعمل ده بسهولة، كمان هتقدر تحدد المقياس اللي على أساسه يتم اعتبار فيه العميل من العملاء الحاليين.

هتقدر تضيف نوتس أو ملاحظات علي كل جلسة عشان بعد كدا تقدر ترجع لملاحظاتك لجلسات العميل القديمه بسهوله قبل جلسته الجديده،كمان هيكون عندك ارشيف كامل لكل بيانات عملائك اللي حجزوا معاك تقدر ترجعله في اي وقت.